وزیراعلی پنجاب آسان کاروبار فنانس اپلائی کرنے کا طریقہ

وزیراعلی پنجاب آسان کاروبار فنانس اپلائی کرنے کا طریقہ درج ذیل مراحل پر مشتمل ہے۔ پاکستان کے صوبہ پنجاب میں کاروبار کو توسیع دینا اب وزیراعلیٰ پنجاب آسان کاروبار فنانس پروگرام کی بدولت بہت آسان ہو گیا ہے۔ یہ اسکیم چھوٹے اور درمیانے درجے کے کاروباروں کو بلا سود قرضے فراہم کرتی ہے، جس کا مقصد صوبے میں کاروباری مواقع اور روزگار کو فروغ دینا ہے۔

اگر آپ پنجاب، پاکستان سے تعلق رکھتے ہیں اور اپنے کاروبار کو وسعت دینا چاہتے ہیں، تو حکومت پنجاب کی جانب سے فراہم کردہ بلا سود کاروباری قرضوں سے فائدہ اٹھانے کا یہ ایک بہترین موقع ہے۔ وزیراعلی پنجاب آسان کاروبار قرضہ مستفید ہونے کے لیے درخواست دینے کا مرحلہ وار طریقہ درج ذیل ہے۔

سرکاری پورٹل پر آن لائن درخواست دینے سے قبل اس آرٹیکل کو بغور پڑھ لیں۔

https://akf.punjab.gov.pk/login

مرحلہ 1: وزیراعلی پنجاب آسان کاروبار فنانس اسکیم بارے اپنی اہلیت جانیے

آسان کاروبار فنانس پنجاب میں درخواست دینے سے پہلے، یقینی بنائیں کہ آپ مندرجہ ذیل شرائط پر پورا اترتے ہیں

کاروبار کا حجم
چھوٹے کاروبار: سالانہ فروخت 15 کروڑ روپے تک۔
درمیانے درجے کے کاروبار: سالانہ فروخت 15 کروڑ سے 80 کروڑ روپے تک۔

عمر: 25 سے 55 سال کے درمیان ہونی چاہیے۔

ٹیکس کی تعمیل: آپ فعال ٹیکس فائلر ہوں اور کریڈٹ ڈیفالٹر نہ ہوں۔

مقام: آپ کی رہائش اور کاروبار دونوں پنجاب میں ہونے چاہئیں۔

شناخت: آپ کے پاس درست شناختی کار اور نیشنل ٹیکس نمبر ہونا ضروری ہے۔

کریڈٹ ہسٹری: آپ کا کریڈٹ ریکارڈ صاف ہو اور کوئی بقایا قرض نہ ہو اور کسی بھی مالی ادارے یا بنک کے نا دہندہ نہ ہوں

درخواست کی حد: ایک کاروبار کو صرف ایک درخواست کی اجازت ہے۔

اگر آپ ان معیار پر پورا اترتے ہیں، تو آپ درخواست کے عمل کو آگے بڑھا سکتے ہیں۔

مرحلہ 2: وزیراعلیٰ پنجاب آسان کاروبار فنانس کے قرض کی تفصیلات

یہ اسکیم دو درجوں میں قرضے فراہم کرتی ہے

درجہ 1 یا ٹیئر ون <–
رقم: 10 لاکھ روپے سے 50 لاکھ روپے تک۔
ضمانت: ذاتی ضمانت
مدت: 5 سال تک۔
پروسیسنگ فیس: 5,000 روپے (ناقابل واپسی)۔

درجہ 2 یا ٹیئر ٹو <–
رقم: 60 لاکھ روپے سے 3 کروڑ روپے تک۔
ضمانت: محفوظ قرض ، جیسے جائیداد کے دستاویزات
مدت: 5 سال تک۔
پروسیسنگ فیس: 10,000 روپے (ناقابل واپسی)۔

دونوں درجوں میں سود کی شرح 0% ہے، جو کاروباری افراد کے لیے قرض کے۔ حصول کا ایک شاندار موقع فراہم کرتی ہے۔

وزیراعلی پنجاب آسان کاروبار فنانس اپلائی کرنے سے پہلے درج ذیل دستاویزات کو یقینی بنائیں

حالیہ پاسپورٹ سائز تصویر یا واضح سیلفی۔ **
شناختی کارڈ کی اسکین شدہ کاپیاں (سامنے اور پیچھے)۔ **
آپ کے نام پر رجسٹرڈ موبائل نمبر۔ **
دو غیر رشتہ دار حوالہ جات، بشمول ان کے شناختی کارڈ کی کاپیاں اور رابطہ نمبر۔ **
کاروبار اور رہائش کا ثبوت، جیسے کرایہ نامہ یا ملکیتی دستاویزات۔ **
اگر آپ درجہ 2 یا ٹیئر ٹو کے قرض کے لیے درخواست دے رہے ہیں، تو پیش کی جانے والی ضمانت کی تفصیلات، جیسے جائیداد کے دستاویزات۔

ان دستاویزات کی دستیابی آپ کے درخواست کے عمل کو تیز اور آسان بنائے گی۔

مرحلہ 3: وزیراعلی پنجاب آسان کاروبار فنانس آفیشل پورٹل پر رجسٹریشن کریں

اپنی ضروری دستاویزات کے ساتھ، آن لائن درخواست دینے کے لیے درج ذیل مراحل پر عمل کریں

سرکاری ویب سائٹ پر جائیں: آسان کاروبار کارڈ لاگ ان پورٹل کھولیں۔

رجسٹریشن کریں: “اب رجسٹر کریں” پر کلک کریں اور اپنے موبائل نمبر (جو آپ کے نام پر رجسٹرڈ ہونا چاہیے) کے ذریعے سائن اپ کریں۔

ذاتی معلومات درج کریں:اپنی ذاتی معلومات درست طریقے سے درج کریں، جن میں نام، والد کا نام، شناختی کارڈ نمبر (اجراء اور ختم ہونے کی تاریخ کے ساتھ)، موبائل نمبر، شہر، پتہ، پیپ اسٹیٹس، این ٹی این اور پاس ورڈ شامل ہیں۔

نوٹ: پاس ورڈ مضبوط ہونا چاہیے (کم از کم 8 حروف، پہلا حرف بڑا، ایک خاص علامت یا سپیشل کریکٹر اور نمبر شامل ہوں)۔

وزیراعلی پنجاب آسان کاروبار قرضہ پورٹل صارفین کے لیے درخواست کے عمل کو آسان اور سہل بنانے کے لیے ڈیزائن کیا گیا ہے۔

مرحلہ 4: وزیراعلی پنجاب آسان کاروبار قرضہ درخواست فارم مکمل کریں

رجسٹریشن کے بعد

اپنے شناختی کارڈ نمبر اور پاس ورڈ کے ذریعے لاگ ان کریں۔

اہم نوٹ: ہر مرحلے پر سیو بٹن دبائیں، پھر اگلا بٹن پر کلک کریں تاکہ آپ کی معلومات محفوظ رہیں۔

اپنی پروفائل کی تفصیلات مکمل کریں:
نام، والد کا نام، شناختی کارڈ نمبر، ای میل، تاریخ پیدائش، شناختی کارڈ اجراء اور ختم ہونے کی تاریخ، والدہ کا نام، معذوری (اگر کوئی ہو)، جنس، موبائل فون کی تفصیلات، پتہ، شہر، پیپ اسٹیٹس، این ٹی این، رہائشی حیثیت درج کریں۔

کاروبار کی تفصیلات درج کریں:
موجودہ کاروباری حیثیت، قرض کی قسم (ٹئیر-١: ۱ سے ۵ ملین روپے یا ٹئیر-٢: ۵ سے ۳۰ ملین روپے)، قرض کی مدت، اور اگر پہلے کسی بینک سے قرض لیا ہو تو اس کی تفصیلات درج کریں۔

کاروباری معلومات درج کریں
کاروبار کا نام، رابطہ شخص، فون نمبر، پتہ، سیلز، شہر، ملازمین کی تعداد، کاروباری احاطے کی حیثیت، رجسٹریشن کی تفصیلات، اور کاروباری تفصیل فراہم کریں۔
اگر آپ کاروبار کے واحد مالک ہیں، تو ملکیت 100% ظاہر کریں۔

مالی تفصیلات درج کریں
قرض کا مقصد، کاروبار کی نوعیت، حیثیت، اگر کوئی شراکت دار ہے تو اس کا شیئر، کاروباری تجربہ، گاڑیوں کی معلومات، کاروباری سیکٹر، سیلز، فی یونٹ قیمت، ملازمین کی تنخواہ، کرایہ، یوٹیلیٹی بلز اور دیگر اخراجات شامل کریں۔

حوالہ جات فراہم کریں
دو ایسے افراد کی معلومات درج کریں جو آپ کے قریبی رشتہ دار نہ ہوں۔ ان کا نام، موبائل نمبر، شناختی کارڈ نمبر، اجرا کی تاریخ، اور آپ سے تعلق کی نوعیت درج کریں۔

دستاویزات منسلک کریں:
اپنی واضح تصویر، شناختی کارڈ کی سامنے اور پچھلی سائیڈ کی تصویر، شراکت داروں کے شناختی کارڈ کی کاپیاں، معاہدے کی کاپیاں (اگر قابل اطلاق ہو)، اور 1-2 سال کا بینک اسٹیٹمنٹ منسلک کریں۔
اگر آپ کے پاس انکم ٹیکس ریٹرن کی تفصیلات موجود ہیں تو انہیں بھی اپلوڈ کریں، کیونکہ یہ قرض کی منظوری میں مددگار ثابت ہوگا۔

تمام معلومات کی تصدیق کریں اور اعلان نامہ پڑھ کر “جمع کروائیں” پر کلک کریں۔

یہ پورٹل صارفین کے لیے درخواست کے عمل کو آسان اور سہل بنانے کے لیے ڈیزائن کیا گیا ہے۔

مرحلہ 5: پروسیسنگ فیس کی ادائیگی – سب سے اہم مرحلہ

درخواست جمع کروانے کے لیے آپ کوٹیئر ون کے لئے ۵،۰۰۰ یا ٹیئر ٹو کے لئے ۱۰،۰۰۰ روپے کی ناقابلِ واپسی پروسیسنگ فیس ادا کرنی ہوگی۔ پورٹل پر 19 ہندسوں پر مشتمل ایک سسٹم جنریٹڈ پی ایس آئی ڈی نمبر ظاہر ہوگا، جس کے ساتھ سٹیٹس – ان پیڈلکھا ہوگا۔

ہ 19 ہندسوں والا پی ایس آئی ڈی نمبر آپ کسی بھی بینک کی موبائل ایپ، اے ٹی ایم، یا ون بل انوائس یا فکسڈ پیمنٹ بلر آپشن کے ذریعے آسانی سے ادا کر سکتے ہیں۔ اس کے علاوہ، آپ کسی بھی بینک کی برانچ (بشمول نیشنل بینک آف پاکستان (NBP) اور بینک آف پنجاب (BOP)) پر جا کر بھی ادائیگی کر سکتے ہیں۔

ادائیگی مکمل ہونے کے بعد، جب آپ دوبارہ لاگ اِن کریں گے تو پی ایس آئی ڈی کی حیثیت پیڈ میں تبدیل ہو جائے گی۔

مرحلہ 6: درخواست جمع کروائیں

تمام معلومات کا جائزہ لیں تاکہ یہ یقینی بنایا جا سکے کہ تمام تفصیلات درست ہیں۔

سبمٹ بٹن پر کلک کریں تاکہ آپ کی درخواست حتمی طور پر جمع ہو جائے۔

درخواست جمع ہونے کے بعد، آپ کو ایک تصدیقی پیغام اور رجسٹریشن نمبر موصول ہوگا۔ اس نمبر کو محفوظ رکھیں کیونکہ یہ آپ کو اپنی درخواست کی پیش رفت معلوم کرنے میں مدد دے گا۔

نوٹ: بسا اوقات پورٹل ریفرنس نمبر اور تصدیقی پیغام نہیں بھیجتی ہے، آپکے لاگ ان میں سبمٹ کا بٹن غیر فعال ہونے کا مطلب ہے کہ آپکی درخواست کامیابی سے جمع ہو چکی ہے

آسان کاروبار کارڈ سے متعلق سوالات اور معاونت

اگر آپ کو کسی بھی قسم کی رہنمائی درکار ہو تو درج ذیل ذرائع سے مدد حاصل کر سکتے ہیں

📞 ہیلپ لائن: 1786 پر کال کریں۔
🌐 ویب سائٹ وزٹ کریں – https://akf.punjab.gov.pk/cmpunjabfinance
🏢 قریبی دفتر سے رابطہ کریں: پنجاب اسمال انڈسٹریز کارپوریشن کے مقامی دفاتر میں جا کر معلومات حاصل کریں۔

درخواست جمع کرانے کے بعد کیا ہوگا؟

آپ کی درخواست تین مراحل پر مشتمل تصدیقی عمل سے گزرے گی

ڈیجیٹل تصدیق: آپ کے شناختی کارڈ نمبر اور ذاتی معلومات کی آن لائن تصدیق کی جائے گی۔
کریڈٹ اسسمنٹ: آپ کی کریڈٹ ہسٹری اور نفسیاتی تجزیہ کیا جا سکتا ہے۔
فزیکل تصدیق: قرض کی منظوری کے بعد 6 ماہ کے اندر اور پھر ہر سال ایک بار سرکاری نمائندے آپ کے کاروباری مقام کا معائنہ کریں گے تاکہ یہ یقینی بنایا جا سکے کہ کاروبار صحیح طریقے سے چل رہا ہے۔

گر آپ کی درخواست تمام مراحل پر کامیاب ثابت ہوئی، تو آپ کو آسان کاروبار کارڈ جاری کر دیا جائے گا، جس سے آپ بلاسود قرض کی سہولت حاصل کر سکیں گے۔

وزیراعلیٰ پنجاب آسان کاروبار فنانس اسکیم کی افادیت

زیراعلیٰ پنجاب آسان کاروبار فنانس پروگرام صوبے میں کاروباری ترقی کو فروغ دینے اور نئے کاروباری مواقع پیدا کرنے کے لیے ایک انقلابی قدم ہے۔ اس اسکیم کے ذریعے چھوٹے اور درمیانے درجے کے کاروباری افراد کو بلا سود قرضے فراہم کیے جا رہے ہیں تاکہ وہ اپنے کاروبار کو مزید بہتر اور مستحکم بنا سکیں۔
اگر آپ پنجاب میں مقیم کاروباری شخصیت ہیں اور بلا سود قرضے کے ذریعے اپنے کاروبار کو آگے بڑھانا چاہتے ہیں، تو آج ہی سرکاری پورٹل پر رجسٹریشن کریں اور اپنا روشن مستقبل یقینی بنائیں

عمومی سوالات

اپنی آمدنی کو غیر ضروری ٹیکسز سے بچائیں – آج ہی ٹیکس فائلر بنیں

اپنی محنت کی کمائی کو غیر ضروری ٹیکسز کی نذر نہ کریں اور آج کی ٹیکس فائلر بنیں, یاد رہے کہ نان فائلرز پر ٹیکس کی شرح دوگنا ہے، تفصیل کے لئے یہ لنک دیکھیے

فائلر ہونا اور رقم بچانا محظ ایک کلک کی دوری پر ہے

Read more about the Welfare Schemes, Economy, Taxation, Finance, and News here.